ਆਹ ਦੇਖ ਜ਼ਿੰਦਗੀਏ ਨੀ,
ਨੀ ਮੇਰਾ ਨਾਮ ਹੈ ਉਤਸ਼ਾਹ |
ਤੂੰ ਬੇਰੰਗ ਤਸਦੀਕ ਕੀਤਾ ਸੀ,
ਨੀ ਮੈਂ ਆਪੇ ਰੰਗ ਲਏ ਚਾਅ |
ਮੈਂ ਆਸ ਦਾ ਪੱਲਾ ਨੀ ਛੱਡਣਾ ,
ਮੇਰੇ ਜਦ ਤੱਕ ਚੱਲਦੇ ਸਾਹ |
ਮੇਰੀ ਨਜ਼ਰ 'ਚ ਮੰਜ਼ਿਲ ਵਸਦੀ,
ਮੈਨੂੰ ਸਿਜਦਾ ਕਰਦੇ ਰਾਹ |
ਜੀਹਨੂੰ ਬਾਹਰ ਲੋਕੀ ਲੱਭਦੇ ,
ਮੇਰੇ ਅੰਦਰ ਖੁਸ਼ੀ ਅਥਾਹ |
ਹਿੰਮਤ ਮੇਰਾ ਸੱਚਾ ੲਿਸ਼ਕ ਹੈ ,
ਮੈਨੂੰ ਸਕਦਾ ਨੀ ਕੋਈ ਢਾਹ |
ਮੇਰੇ ਦਿਲ ਵਾਲੀ ਅਮੀਰੀ ਨੂੰ ,
ਗਰੀਬੀ ਸਕਦੀ ਨਹੀਂ ਹਰਾ |
ਤੇਰੀ ਦਿੱਤੀ ਹੋਈ ਹਰ ਦਸਤਕ ,
ਮੇਰਾ ਝੱਲ ਨਹੀਂ ਸਕੀ ਤਾਅ |
ਅੰਬਰਾਂ 'ਤੇ ਨਾਮ ਲਿਖ ਦੇਊ,
ਧਰਤੀ ਨਾਲ ਵੀ ਰੱਖੂਗਾ ਵਾਹ |
'ਚਹਿਲਾ' ਪੈੜਾਂ ਤੋਂ ਲੋਕੀ ਪੁੱਛਣਗੇ,
ਕੌਣ ਲੰਘਿਆ ਹੈ ਇਸ ਰਾਹ ?????
ਜਸਵਿੰਦਰ ਚਾਹਲ
9876915035
No comments:
Post a Comment