ਮੈਂ ਊਧਮ ਸਿੰਘ ਹਾਂ ਬੋਲ ਰਿਹਾ
ਮੈਂ ਊਧਮ ਸਿੰਘ ਹਾਂ ਬੋਲ ਰਿਹਾ,
ਮੇਰੀ ਸੁਣਿਓ ਤੁਸੀਂ ਫਰਿਆਦ |
ਤੁਸੀਂ ਯਾਦ ਅੱਜ ਮੈਨੂੰ ਕਰ ਰਹੇ,
ਮੈਂ ਵੀ ਕਰਾ ਦਿਆਂ ਤਹਾਨੂੰ ਯਾਦ |
ਜ਼ਿਲਿਆਂ ਵਾਲੇ ਬਾਗ ਤੋਂ ਲੈ ਕੇ
ਮੈਂ ਲੰਡਨ ਵਾਲੇ ਗਿਆ ਹਾਲ |
ਇੱਕ ਅੱਗ ਰਹੀ ਸੀ ਸੁਲਗਦੀ,
ਮੇਰੇ ਕਾਲਜੇ ਵਿੱਚ ਇੱਕੀ ਸਾਲ |
ਕਿੱਥੋਂ ਊਧਮ ਸਿੰਘ ਬਣਨਾ ਸੀ,
ਜੇ ਮੈਂ ,18ਵੇਂ 'ਚ ਹੁੰਦਾ ਬਦਨਾਮ |
ਜਾਂ ਪਟਾਕੇ ਪਾਉਂਦਾ ਮੈਂ ਬੁਲਟ ਦੇ ,
ਜੇ ਮੋਟਰ 'ਤੇ ਖੜ੍ਹਕਾਉਂਦਾ ਜਾਮ |
ਬਾਤ ਪਾਈ ਸੀ ਅਸੀਂ ਵਿਚਾਰਾਂ ਦੀ,
ਪਰ ਹੁੰਗਾਰਾ ਸੀ ਮੁੱਛਾਂ ਕੁੰਡੀਆਂ ਦਾ |
ਗੰਡਾਸੇ ਤਾਂ ਤਿੱਖੇ ਤੁਸੀਂ ਕਰੀ ਜਾਂਦੇ ,
ਪਰ ਕੀ ਕਰੋਗੇ ਸੋਚਾਂ ਖੁੰਡੀਆਂ ਦਾ |
ਫੁੱਲ ਹੋਣਗੇ ਇਹੀ ਸੱਚੀ ਸ਼ਰਧਾ ਦੇ ,
'ਚਾਹਲ' ਐਸੀ ਇਬਾਰਤ ਲਿਖੀਏ ਜੀ |
'ਉਹ' ਤਾਂ ਆਪਣੇ ਲਈ ਮਰ-ਮਿੱਟ ਗਏ,
ਆਓ ਆਪਾਂ ਜਿਉਂਣਾ ਤਾਂ ਸਿੱਖੀਏ ਜੀ |
ਜਸਵਿੰਦਰ ਚਾਹਲ
9876915035
No comments:
Post a Comment